Aydın Əliyev: Azərbaycandakı “bir pəncərə sistemi”nin Orta Asiya ölkələrində tətbiqi xahiş olunub

 
Atif Eyvazov/AZADİNFORM. Gömrük məntəqələrində “bir pəncərə sistemi”nin tətbiqi öz bəhrəsini verməkdədir. “Azadinform” xəbər verir ki, bu barədə məlumatı Dövlət Gömrük Komitəsinin sədri, gömrük xidməti general-leytenantı Aydın Əliyev deyib.

 A.Əliyev bildirib ki, bu sistemin tətbiqindən sonra yük maşınlarının sərhədi keçmək prosesi 2, 2 saat yarımdan 15-20 dəqiqəyə düşüb. Onun sözlərinə görə, Ümumdünya Gömrük Təşkilatı Azərbaycanın bu  modelini nümunə kimi götürüb. A.Əliyev onu da açıqlayıb ki, Asiya İnkişaf Bankı onlara bir neçə dəfə müraciət edib ki, bu sistemin tətbiqi təcrübəsindən Orta Asiya ölkələri də yararlansın. Onun sözlərinə görə, müraciətdə Qırğızıstan, Tacikistan və başqa ölkələrdə bu sistemin tətbiq olunmasına köməklik göstərilməsi xahiş edilib.