İranda 7 yaşlı qızı öldürən şəxs edam olunub

İranın Ərdəbil vilayətinin Parsabad şəhərində 7 yaşlı qızı öldürən şəxs yerli sakinlərin gözü qarşısında edam olunub. 

Atina Aslanini öldürən 40 yaşlı İsmayıl Rəngrəz məhkəmənin hökmü ilə asılıb.

Qeyd edək ki, A. Aslani iyulun 19-da atasının işlədiyi dükana gedərkən itkin düşüb. 20 gün sonra onun cəsədi qatilin evinin ərazisində - avtomobil saxlanılan yerdə doğranmış vəziyyətdə tapılıb. Qatil cəsədi çəlləyin içərisində gizlədib.

Qatil 14 gün cinayəti inkar etsə də, sonradan cəsədin yerini göstərməyə razılıq verib. 

İ. Rəngrəz edam olmamışdan öncə jurnalistlərə bildirib ki, azyaşlı qızı bilərəkdən öldürməyib. Qatil qıza təcavüz etdiyini inkar edib və barəsində çıxarılmış hökmü ədalətsiz adlandırıb. 

Qeyd edək ki, İ. Rəngrəzin daha iki qadına təcavüz etdiyi istintaq dövründə üzə çıxıb. (apa)

20.09.2017 20:37 / Baxılıb: 51 / Çap
 
    Bu bölmədə
     Xəbər lenti
    23.10.2017
     
    2017 All right reserved www.azadinform.az Powered by Danneo