Argentina hökuməti Maduronu ordendən məhrum etdi

Argentina hökuməti Venesuela prezidenti Nikolas Maduronu respublikanın ali dövlət mükafatı - “Xilaskar San-Martin” ordenindən məhrum etmək barədə qərar qəbul edib.

Azadinform TASS-a istinadən xəbər verir ki, müvafiq fərman Argentina Respublikasının rəsmi bülletenində dərc edilib.

Sənədə əsasən respublika hökuməti “Xilaskar San-Martin” ordeninin şərəfinə uyğun gəlməyən fəaliyyətinə görə Bolivar Respublikasının prezidenti Nikolas Maduronu ondan istifadə hüququndan məhrum edib.

Argentina hökuməti N.Maduronu əsasən etirazları boğmaq və müxalifətçiləri həbs etmək üçün hərbi resurslardan və məhkəmələrdən əsassız istifadə etməkdə günahlandırır.

Qeyd edək ki, bu orden Argentinanın milli qəhrəmanı general Xose de San-Martinin şərəfinə 1943-cü ildə təsis olunub.

12.08.2017 20:54 / Baxılıb: 91 / Çap
 
    Bu bölmədə
     Xəbər lenti
    21.11.2017
     
    2017 All right reserved www.azadinform.az Powered by Danneo