Prezident İlham Əliyev dünya çempionu Ramil Quliyevi təbrik edib

Adəm Abbaslı/AZADİNFORM. Prezident İlham Əliyev Azərbaycan idmançısı Ramil Quliyevi yüngül atletika üzrə dünya çempionu adı qazanması münasibəti ilə təbrik edib.

Azadinform xəbər verir ki, təbrikdə deyilir:

Əziz Ramil. İlk növbədə səni yüngül atletika üzrə dünya çempionu adını qazanmağın münasibətilə səmimi qəlbdən təbrik edirəm.

Qeyd etmək istərdim ki, tarixdə ilk dəfə olaraq azərbaycanlı idmançı yüngül atletika üzrə dünya çempionu olub. Xüsusilə sevindirici haldır ki, sən qələbədən sonra Azərbaycan və Türkiyə bayraqlarını qaldırdın. Bu, onu göstərir ki, sən öz xalqına bağlı, vətənpərvər insansan.

Sən bu gün Türkiyəni təmsil edirsən. Ancaq idmanda ilk addımlarını Azərbaycanda atmısan.

Bu qələbə münasibətilə Türkiyəni də təbrik edirəm. Sənin qələbən, eyni zamanda, Azərbaycan-Türkiyə dostluğu və qardaşlığının növbəti təzahürüdür. Biz Azərbaycanda səninlə fəxr edirik.

Sənə idmanda yeni qələbələr arzulayıram.

11.08.2017 15:40 / Baxılıb: 122 / Çap
 
Bu bölmədə
 Xəbər lenti
15.12.2017
 
2017 All right reserved www.azadinform.az Powered by Danneo