Bərdə sakininin 4 baş atın başına açdığı oyun - İyrənc əməldən iyrənc FOTOLAR

Adəm Abbaslı/AZADİNFORM. Daxili İşlər Nazirliyinin Bərdə Rayon Polis Şöbəsi əməkdaşları tərəfindən Bərdə rayon sakini, S. Vurğun küçəsi ev 15-də yaşayan Məmmədov Alim Vəli oğluna məxsus "Qazel" markalı 10-UX-290 dövlət nömrə nişanlı yük avtomobili saxlanılıb və baxış keçirilib.

Kənd Təsərrüfatı Nazirliyi yanında Dövlət Baytarlıq Nəzarəti Xidmətinin (DBNX) mətbuat xidmətindən Azadinform-a verilən məlumata görə, baxış zamanı avtomobilin yük yerində 4 atın başı, atın 16 ədəd ön və arxa ayağı, 4 baş atın ətdən ayrılmış onurğa sütunu, 4 baş atın ön və arxa ətraflarının ətdən ayrılmış sümükləri, 4 baş at dərisi və 4 baş atın möhtəviyyatla dolu daxili orqanları aşkarlanıb.

Bərdə Rayon Baytarlıq İdarəsi və Bərdə zona Baytarlıq Laboratoriyasının əməkdaşlarının iştirakı ilə həmin avtomobildə aşkar olunan at məhsullarından nümunələr götürülərək müayinə üçün Respublika Baytarlıq Laboratoriyasına göndərilib.

Götürülən nümunələrin laboratoriya müayinələrinin nəticəsindən asılı olaraq qanunvericiliklə müvafiq qaydada tədbirlər görüləcək. Hazırda Bərdə Rayon Polis Şöbəsində müvafiq araşdırmalar aparılır.

“DBNX-nın strukturları tərəfindən A. Məmmədova dəfələrlə xəbərdarlıq olunsa da, o, qanunsuz əməllərini davam etdirir” – deyə məlumatda bildirilib.

 

 

 

 

21.04.2017 17:40 / Baxılıb: 90 / Çap
 
Bu bölmədə
 Xəbər lenti
16.08.2017
 
2017 All right reserved www.azadinform.az Powered by Danneo