Türkiyədə ümumxalq səsverməsi - 53,0 faiz "HƏ", 47,0 faiz seçici isə "YOX" deyir - Yenilənir

Saat 20:00


Hazırda səslərin 86,2 faizi sayılıb, 53,0 faiz seçici dəyişikliklərə "HƏ", 47,0 faiz seçici isə "YOX" deyir. 


Saat 19:45


Hazırda səslərin 78,4 faizi sayılıb, 53,9 faiz seçici dəyişikliklərə "HƏ", 46,1 faiz seçici isə "YOX" deyir. 

 

Saat 19:40


Hazırda səslərin 72,4 faizi sayılıb, 54,6 faiz seçici dəyişikliklərə "HƏ", 45,4 faiz seçici isə "YOX" deyir. 


Saat 19:32


Hazırda səslərin 67,1 faizi sayılıb, 55,2 faiz seçici dəyişikliklərə "HƏ", 44,8 faiz seçici isə "YOX" deyir. 

 

Saat 19:24


Hazırda səslərin 60 faizi sayılıb, 56,2 faiz seçici dəyişikliklərə "HƏ" deyir. 


Saat 18:59

Bülletenlərin 32 faizinin sayılmasından sonra Konstitutsiyaya dəyişiklikləri dəstəkləyənlərin mütləq üstünlüyü davam edir. Seçicilərin 61,3 faizi Konstitutsiya dəyişikliyinin lehinə, 38,7 faizi əleyhinə səs verib.


Saat 17:40


Türkiyədə konstitusiya dəyişikliyini nəzərdə tutan ümumxalq səsverməsi ilə bağlı bülletenlərin sayılması prosesi davam edir.

Yerli vaxtla saat 17.40-dək bülletenlərin 19.72 faizi sayılıb. İlkin məlumata görə, sayılan bülletenlərə əsasən seçicilərin 64,19 faizi konstitusiya dəyişikliyinə “hə” deyib.


Saat 17:00


Türkiyədə konstitusiya dəyişikliyi ilə bağlı ümumxalq səsverməsi başa çatıb. 
Səsvermə ölkənin şərq bölgələrində yerləşən 32 vilayətdə yerli vaxtla saat 16.00-da, digər ərazilərdə isə saat 17.00-da yekunlaşıb.

Ölkənin 55 milyon 319 min 222 vətəndaşı referendumda səs vermək hüququnda olub.

Türkiyə Ali Seçki Komissiyasının məlumatına görə, ölkə üzrə bütün səsvermə məntəqələrində bülletenlərin sayılmasına başlanılıb.

Məntəqələrdə səsvermənin gedişini 10 yerli siyasi partiyadan nümayəndələr, həmçinin Azərbaycan da daxil olmaqla xarici ölkələrdən beynəlxalq müşahidəçilər izləyiblər.

Bu vaxtadək səsvermənin ümumi nəticəsinə təsir edə biləcək qanun pozuntusu barədə heç bir məlumat yayılmayıb.

Ümumilikdə səsvermə seçici fəallığı ilə müşahidə olunub. Vətəndaşlar hətta əlil arabalarında, təcili tibb maşınları ilə səsvermə məntəqələrinə gələrək səs veriblər.

Dağlıq ərazilərdəki bəzi yaşayış yerlərinə, o cümlədən təhlükəsizlik qüvvələrinin yerləşdiyi məntəqələrə seçki bülletenləri hərbi helikopterlərlə daşınıb.

Ümumi təhlükəsizlik tədbirləri çərçivəsində bəzi məntəqələrdə hətta kimyəvi və bakterioloji müayinələr də aparılıb.

Səsverməni izləmək üçün xaricdən 601 nəfər KİV nümayəndəsi gəlib. İstanbul bölgəsində fəaliyyət göstərən 156 xarici KİV nümayəndəsi 33 ölkədən olmaqla 97 təşkilatı təmsil edib.

16.04.2017 19:00 / Baxılıb: 693 / Çap
 
    Bu bölmədə
     Xəbər lenti
    19.10.2017
     
    2017 All right reserved www.azadinform.az Powered by Danneo