İlk sualtı muzey fəaliyyətə başlayıb - FOTOLAR

Avropanın ilk sualtı muzeyi fəaliyyətə başlayıb.

"MyModernMet" portalının yaydığı xəbərə görə, “Museo Atlatico” adlı muzey Lansorte adasının (Kanar adaları) suları altında yerləşib.

Muzey britaniyalı memar Ceyson de Kayres Teylorun özəl layihəsi olaraq artıq dünyanın bir neçə yerində qismən fəaliyyət göstərir.

İlk olaraq özəl eksponatlar Meksika, Baham adaları və Karib dənizinin dərinliklərində quraşdırılıb.

Memarın sənət əsərləri təbiətə heç bir ziyan vurmur, əksinə ekoloji təmiz məhsullardan hazırlanan eksponatlar sualtı aləmin sakinləri üçün özəl yuvalara çevrilərək, daha da cazibəli mənzərə yaradır.

“Museo Atlatico” muzeyində 300-ə yaxın eksponat 12-15 metr dərinliyində quraşdırılıb.

Muzeyi ziyarət etmək istəyən turistlər isə xüsusi sualtı geyimindən istifadə edərək özəl bir dünyaya səyahətə baş vura bilir. (trend)

12.01.2017 09:20 / Baxılıb: 80 / Çap
 
Bu bölmədə
 Xəbər lenti
23.02.2017
 
2017 All right reserved www.azadinform.az Powered by Danneo