Azərbaycan nümayəndə heyəti Rəfsəncaninin vəfatı ilə əlaqədar mərasimlərdə iştirak edib

Azərbaycan Respublikası Milli Məclisi sədrinin birinci müavini Ziyafət Əsgərovun rəhbərlik etdiyi nümayəndə heyəti yanvarın 11-də Tehranda İran İslam Respublikasının sabiq prezidenti Əli Əkbər Haşimi Rəfsəncaninin vəfatı ilə əlaqədar mərasimlərdə iştirak edib.

Azərbaycanın Tehrandakı səfirliyindən verilən məlumata görə, Mərasimlərdə iştirak etdikdən sonra Ziyafət Əsgərov İranın xarici işlər naziri Məhəmməd Cavad Zərif ilə görüşüb və Azərbaycan dövlətinin başsağlığını çatdırıb.

Görüş zamanı, həmçinin qarşılıqlı maraq doğuran məsələlər ətrafında fikir mübadiləsi aparılıb. Sonra Ziyafət Əsgərov İran İslam Şurası Məclisi (parlamenti) sədrinin birinci müavini Məsud Pezeşkian ilə görüşüb və Azərbaycan dövlətinin başsağlığını çatdırıb. Görüşdə parlamentlərarası əlaqələrin inkişaf etdirilməsi ilə bağlı müzakirələr aparılıb.

Nümayəndə heyətinə Milli Məclisin deputatları, o cümlədən Azərbaycan-İran parlamentlərarası əlaqələr üzrə işçi qrupunun üzvləri daxildir. (apa)

11.01.2017 20:27 / Baxılıb: 59 / Çap
 
    Bu bölmədə
     Xəbər lenti
    20.01.2017
    19.01.2017
     
    2017 All right reserved www.azadinform.az Powered by Danneo