FİFA-nın tədbirində hadisə - 100 min dollarlıq 6 saat oğurlanıb

Samir Soltanov/AZADİNFORM. FİFA-nın yanvarın 9-da keçirilmiş mükafatlandırma mərasimi ilə bağlı şok xəbər yayılıb. 

Azadinform xarici mətbuata istinadən xəbər verir ki, milyonlarla insan tərəfindən televiziya vasitəsilə canlı izlənən mərasimdə oğurluq hadisəsi baş verib. 

Belə ki, yığıncaqda ümumilikdə 100 min dollar dəyərində olan, 6 xüsusi hazırlanmış qol saatı oğurlanıb. Mərasimin sponsorlarından olan, məşhur “Hublot” firması həmin saatları sırf mükafatlandırma gecəsi üçün hazırlayıbmış və mükafatlandırılan şəxslərə təqdim olunacaqmış.   

Saatlar FİFA mərkəzi ilə TV studiyaları arasındakı məkanda oğurlanıb. 

Xarici mətbuata açıqlama verən firma rəsmilərindən biri saatların itdiyini təsdiqləyib və oğruların kim olduğunu öyrənmək üçün hərəkətə keçdiklərini bildirib. İsveçrə polisi isə təhlükəsizlik kamerasını araşdırmaya start verib. 

Qeyd edək ki, FİFA-nın mükafatlandırma mərasimində Madrid “Real”ının futbolçusu Kriştianu Ronaldo rəqiblərini qabaqlayaraq, 2016-cı ilin ən yaxşı futbolçusu adına layiq görülüb.  

11.01.2017 16:24 / Baxılıb: 119 / Çap
 
    Bu bölmədə
     Xəbər lenti
    24.11.2017
     
    2017 All right reserved www.azadinform.az Powered by Danneo