Obamadan Avropaya XƏBƏRDARLIQ

Yanvarın 20-də vəzifəsini tərk edəcək ABŞ Prezidenti Barak Obama ötən bazar günü ABC teleşirkətinə verdiyi müsahibədə bildirib ki, prezidentlik dövründə onun qəbul etdiyi ən mürəkkəb qərar 2010-cu ildə 30 min Amerika hərbi qulluqçusunun Əfqanıstana göndərilməsi barədə qərar olub.

Prezident vurğulayıb ki, bu addım onun seçkiqabağı vədlərinə zidd olsa da, “Taliban” hərəkatının güclənməsi səbəbindən zəruri addım idi. Onun fikrincə, Əfqanıstanda və İraqda siyasi vəziyyət yenə qeyri-sabit olduğuna görə, bu gün də həmin ölkələrdə amerikalı hərbçilərin olması zəruridir.

Obama onu da etiraf edib ki, dezinformasiya və kiberhücumların hansı nəticələrə gətirib çıxara biləcəyini, onların Qərb cəmiyyətinə necə təsir göstərə biləcəyini lazımınca qiymətləndirməyib. Prezident göstərib ki, bu təhlükənin dərəcəsini hamının anlaması üçün üçüncü ölkələrdə haker hücumları barədə kəşfiyyat məlumatlarının dərc edilməsinə icazə verib. Obama daha sonra deyib ki, bu yolla o, yaxın gələcəkdə seçkilər keçiriləcək Avropa ölkələrinə müdaxilə ehtimalı barədə xəbərdarlıq etmək istəyir. (Azərtac)

9.01.2017 14:53 / Baxılıb: 107 / Çap
 
    Bu bölmədə
     Xəbər lenti
    22.03.2017
    21.03.2017
     
    2017 All right reserved www.azadinform.az Powered by Danneo